AUTORIDAD NASIONALA DEL LADINO
Kacha del No. 75 de Aki Yerushalayim
La revista Aki Yerushalayim fue empesada a publikar en 1979, por la Emision Djudeo-espanyola de Kol Israel (Radio Israel), kon el buto de azer mijor konoser la kultura i el folklor de los sefaradis ansi ke sus istoria i sus estado aktual i tambien para estimular i ayudar a renovar, en la mizura del posible, la kreasion literaria i folklorika en ladino. Por sus kontribusion en este kampo, la revista i la emision resivieron en 1985, el Premio Espanya de la RNE (Radio Nasional de Espanya), i el direktor de la revista, Moshe Shaul, resivio en 1990 una Mension Espesial en el kuadro de los Premios Rey de Espanya. En 1992, "Sefarad" asumio la yena responsabilidad editoriala i ekonomika de la revista ke desde 1998 es publikada en kolaborasion kon la Autoridad Nasionala del Ladino.
|