¡ SALVAR LA AUTORIDAD NACIONAL DEL LADINO !
¡ SALVAR AKI YERUSHALAYIM !
 Como muchos de ustedes saben, un proyecto de ley en el Estado de Israel hace peligrar la continuidad de la Autoridad Nacional del Ladino (ANL) presidida por el quinto presidente de Israel Itzjak Navon y cuyo vicepresidente es el Sr. Moshe Shaul.
La ANL ha desarrollado y sigue desarrollando una excepcional tarea de mantenimiento y divulgación de la cultura judeoespañola. Queremos que los siga haciendo por muchos años.
Para evitar la sanción de esta ley y dar continuidad a la labor de la ANL, se ha dispuesto un petitorio a la Ministra de Cultura Sra. Limor Livnat. Para adherir a este petitorio, simplemente hay que ingresar al sitio web https://www.petitionbuzz.com/petitions/salvarladino y dejar su nombre y su país.
En esa misma dirección encontrarán el texto en ladino. Los invitamos adherir a la petición y a divulgarla y juntos lograremos preservar nuestra cultura sefaradí.
----------------------
También los invitamos a escribir una carta a la Sra. Ministra de Cultura Limor Livnat, eksplikando la importansia de la kultura djudeo-espanyola i del lavoro echo en este kampo por la ANL i demandandole de no trokar su estatuto aktual.
A titolo de informasion, la letra ke fue embiada por Rachel Bortnick.
Onoravle Sra. Limor Livnat
Ministra de Kultura del Estado de Israel,
P.O.B. 57577 Tel Aviv 61575, Israel
Estimada Sinyora Ministra:
Vos eskrivo para rogarle de mantener la Autoridad Nasionala de Ladino i su Kultura komo un projekto Israeli apoyado del governo.
Yo so nasida en Turkia ande ladino era muestra lingua de kaza, agora bivo en Dallas, Texas. So tambien la fondadora de Ladinokomunita (LK), un grupo de Internet ande mos korespondemos solo en ladino entre los 1400 miembros de mas de 40 paises del mundo. Ansi es ke mi preokupasion, i la de los miembros de LK, es de mantener biva muestra kerida lengua, porke es el elemento supremo ke no solo mos auna a todos los djudios sefaradis dispersados en el mundo, ma tambien mos ata a los 332 miliones de personas en el mundo ke avlan espanyol. Kada Sefaradi ke avla ladino le puede dezir ke bueno pudieron darsen a entender en estos paises a kavza de muestra lingua.
En Israel se topa la mas grande povlasion de ladino-avlantes en el mundo. La egzistensia de la Autoridad Nasionala de Ladino ayi fue la mas grande kontribusion para sovreguadrar la lengua djudia espanyola ke yamamos ladino. Permetio no solo los estudios akademikos de la lengua i su literatura, ansi ke las aktividades i kreasion de mueva literatura, muzika, i arte en Israel, ma tambien dio al ladino un prestij enternasional i entereso en eya en el mundo entero. No ay lugar aki de deskrivir el "efeto-domino" en el mundo de la egzistensia en Israel de la Autoridad Nasionala de Ladino apoyada del governo. Abastara solo dezir ke su terminasion va tener un efeto danyozo i destruyedor (el Dio ke no mos trayga!).
Por estas razones, Sinyora Ministra, le rogo de mantener la Autoridad Nasionala de Ladino i su Kultura komo una institusion unikamente valutoza ke fonksiona komo un ponte entre Israel I la diaspora ispana entera de djudios i non-djudios.
Kon munchas grasias,
......
Kerido lektor i amigo,
De mizmo ke munchas otras revistas kulturales ke no son publikadas por butos lukrativos, Aki Yerushalayim tambien pudo ser publikada asta agora grasias al apoyo de institusiones komo la asosiasion “Sefarad” i la Autoridad Nasionala del Ladino ansi ke de sus lektores i simpatizantes - apoyo ke es importante oy mas ke siempre afin de poder kontinuar en muestra lucha, malgrado todos los ostakolos i las difikultades ke mos enfrentan i ke podremos superar solamente grasias a la partisipasion aktiva de kada uno de mozotros.
No asperes mas! Djuntate oy mizmo al Klub de Amigos de Aki Yerushalayim kon una kontribusion ke reflekte tu amor a muestra kultura i tu dezeo de partisipar en los esforsos para su konservasion, ayudandomos ansi a transmeterla a muestras sigientes jenerasiones tambien.
-- -- -- -- -- -- -- -- -- -- -- -- -- -- --
KLUB DE AMIGOS DE AKI YERUSHALAYIM
POB 8175 Yerushalayim 91080 ISRAEL
Formulario de adezion
Nombre i Alkunya: …………………………………………………
Adreso:.…………………………………………………………………
□ Kero ser Miembro Fundador $ 500/ € 400
□ Kero ser Miembro Protektor $ 250/ € 200
□ Kero ser miembro $ 50/ € 40
Vos rogo de embiar un abonamiento regalo a
(Nombre) ………………………………………
(Alkunya) ……………………………………..
(Adreso) ………………………………………
□ Kero pagar kon chek, a nombre de “Sefarad”
□ Kon karta de kredito internasionala
Numero ………………………………………………
Data de eskayimiento …………………………
-- -- -- -- -- -- -- -- -- -- -- -- -- -- -- -- -- -- |
AKI YERUSHALAYIM
Publikada 2 vezes al anyo por SEFARAD: Asosiasion para la Konservasion i Promosion de la Kultura Djudeo-espanyola, en kolaborasion kon La Autoridad Nasionala del Ladino
Shefe Redaktor
Moshe Shaul
Vise Redaktora
Zelda Ovadia
Konsejo de Redaksion
Mordehay Arbell, Matilda Koen-Sarano,
Zelda Ovadia, Avner Perez, Moshe Shaul
Abonamiento
(Por los 2 numeros anuales)
Israel - 70 Shekalim / Estranjero: USD 40 Eur
Aki Yerushalayim es una revista fondada en 1979 por el ekipo de la Emision Djudeo-espanyola de Kol Israel (Radio Israel) i publikada aktualmente por la asosiasion "Sefarad" kon dos butos prinsipales:
1. Azer mijor konoser la kultura i el folklor de los djudios sefaradis (de orijin espanyola) ansi ke sus istoria i sus estado aktual.
2. Estimular i ayudar a renovar en la mizura del posible, la aktividad literaria, jurnalistika i folklorika en ladino, kontribuyendo ansi a los esforsos para la konservasion i promosion de esta lengua i de su kultura.
En el kuadro de estos butos la redaksion de Aki Yerushalayim esta pronta a resivir i publikar artikolos i otras eskritas de muestros lektores a kondision ke traten de los temas mensionados i ke sean topados adekuados. Los artikolos firmados son publikados basho la responsabilidad de sus autores i reflektan sus opiniones i konosimientos, por los kualos la redaksion de Aki Yerushalayim no se konsidera responsable.
Los manuskritos resividos no seran retornados.
Volver |