AKI YERUSHALAYIM #84

REVISTAS

SEFARDICA No. 17
Actas del Simposio Internacional de Estudios Sefardies
Red.: Maria Cherro de Azar
Ed.: CIDICSef Salguero 758 (1177) Ciudad de Buenos Aires
cidicsef@ciudad.org.ar
ISBN 978-987-24329-0-4

Para markar sus 30 anyos de aktividad fruchiguoza en el kampo de la investigasion i difuzion de la kultura sefaradi, el CIDICSef organizo en kolaborasion kon la Universidad Maimonides, un Simpozio Internasional de Estudios Sefaradis ke tuvo lugar en Agosto 2006, kon la partisipasion de profesores, investigadores i otros intelektuales de Espanya, Estados Unidos i Israel, naturalmente en desparte de los partisipantes de Arejantina.

En este volumen de la  revista Sefardica son traidos los tekstos de las konferensias ke fueron dadas en este simpozio, sovre diversos aspektos de la istoria i kultura de las komunidades sefaradis. Todos estos artikolos, fruto del lavoro i investigasion de los mijores i mas eminentes espesialistas en este kampo. son una muy importante kontribusion al lavoro de konservasion i difuzion de la kultura sefaradi. Una agradavle sorpreza es el disko ke fue inkluido en la  revista kon tres kantes en ladino, la deklamasion de dos poemas i la lektura de dos konferensias sovre el umor sefaradi i la Noche de Viola.

Volver