Komo te adoro
Lingua de mis padres,
Sos rika i prove
Komo mozotros.
Kuando estamos tristes
Mos das los biervos para yorar ,
Kuando estamos alegres
Mos das los biervos para gozar
Kuando tenemos sekretos
Tu, muestra lingua mos ayudas.
Aves viajado kon mozotros en las naves
Kuando fuyimos de Sefarad,
I fuites el fuego de muestras kantigas.
I agora en estas tierras de la diaspora
Estas muriendo poko a poko, dia por dia
Komo mozotros.
Si te piedremos, mozotros tambien seremos pedridos.
Oye, o mansevos!
Oye, o padres!
Muestros sefaradim ansyanos
Mos aven deshado esta lingua dulse,
No la olvidaremos
I la ensenyaremos a muestros ijikos.
Siempre la tendremos kon mozotros,
Komo un trezoro ke mos kedo