AKI YERUSHALAYIM #82

ANTOLOJIA DJUDEO-ESPANYOLA IV
En esta rubrika trayemos una seleksion de tekstos ke eskojimos de manaderos diversos i kopyimos adptandolos a la grafia de Aki Yerushalayim, afin de dar una idea de los diferentes estilos i niveles linguistikos ke se reflektan en la kreassion literaria en ladino a lo largo del tiempo

Dos poezias del livro
POEZIAS DE MI VIDA
de Rita Gabbai - Tazartes

ODEHA KI ANITANI

Grasias Senyor
Porke me arespondites
Grasias
No porke tomates londje de mi
El kopo amargo
Sino porke me dates la fuersa
De beverlo sin kesha

DIO AYUDAME

Dio ayudame
A ver sin yorar
La kara de la muerte
A despartirme sin lagrima
De almas keridas
A kreer en verdad
Ke todo lo bueno
Es solo emprestado
I lo damos atras
A Ti Alavado

Volver