AKI YERUSHALAYIM #80

ANTOLOJIA DJUDEO-ESPANYOLA

KOPLAS DE YOSEF ‘HATSADIK
Del livro "Daat le-Navon", paj.49
Seleksion de Tekstos del Meam Loez, Bereshit
(en transliterasion a letras latinas)
Seleksion i redaksion - Avner Perez

I topamos maase en uno de resto de nasiones ke le demando a Raban Gamliel ke le dishese en ke lugar esta el Patron del Mundo?.

Le disho:

"No se".-

Se maraviyo diziendo:

"En esto paro tu sensia, ke kada dia azes orasion a tu Dio i no saves su lugar?"

Le disho Raban Gamliel:

"Tu me demandastes una koza grande ke no es maraviya si no se responder, siendo estamos leshos munchos anyos de kamino. Ma yo te demandare una demanda chika: ke me digas en ke lugar del puerpo esta la alma ?".

I siendo no supo responder, lo mal trato, diziendo:

"Siendo la alma , koza ke tienes dientro de ti, no saves su lugar, ke bushkas a saver de los sielos para arriva?"

Volver