AKI YERUSHALAYIM #80

FILATELIA SEFARADI

LA EKSPOZISION "FILATELIA SEFARADI"
SALE A KAMINO
Mordehay Arbell

Despues de aver sido mostrada en el Instituto Cervantes de Tel Aviv del 2 de Marso asta 4 de Avril, la ekspozision Filatelia Sefaradi - kon una seleksion de los timbros de los kualos fue tratado en esta rubrika en los anyos pasados - empeso en una trajektoria ke la yevara a algunos de los prinsipales sentros del mundo sefaradi ansi ke del mundo ispaniko.

La primera estasion fue el Instituto Cervantes de Estambol ande la ekspozision fue inaugurada el 24 de Mayo.

Para mi esta fue una okazion de renovar muy agradables rekuerdos de mi servisio diplomatiko en esta sivdad, onde servi komo vise konsul de Israel en los anyos 1956 a1959.

Kero mensionar aki la muy amable kolaborasion del Instituto Cervantes de Estambol i de su direktor Pablo Martin Asuero ke sovresale por su amistad i apoyo a la kultura sefaradi i los esforsos ke esta aziendo para su mantenimiento. La ekspozision, de la kuala damos aki una chika muestra, desperto un grande intereso en Estambol i fue vijitada por un publiko numerozo ke inkluyo no solo djudios sino ke munchos turkos tambien. Las sigientes estasiones fueron Atena, Gerona i Madrid i es muy posible ke la ekspozision sea yevada a New York tambien.

ESPANYA

Timbros sovre:
Moshe Ben Maimon
(Maimonides/Rambam)
1138 Cordoba – 1208 Fostat.

3. La eskola de tradukstores de Toledo fondada por
Alfonso X, El Savio.

 

2. Iglezia Santa Maria la Blanca, Toledo.
Fue la sinagoga Ben Shushan
en el siglo XIII.

 

4. Mapamundo.
Avraam i Yeuda Crescas,
kartografos de Mallorca,
izieron el Atlas Katalan i una karta jeografika del mundo para los
Reyes de Aragon.

 

---

PORTUGAL

La adorasion de San Vicente. Pintura echa entre 1460-1470, onde pueden ser vistos el rey Alfonso V, la reyna Isabel, Enrique el Navigante i un djudio kon un livro en ebreo (a la derecha).

Garcia D'Orta
(1500-1568).
Konverso de Portugal, briyante espesialista en hazinuras i plantas tropi- kalas, en Goa .

 

La sinagoga sefaradi de Amsterdam

Baruch Spinoza
<- (1632-1677).
Filozofo, eskritor i kritiko de la ortodoksia djudia.

Envelop de primer dia, konmemorando los 500 anyos del arivo de los sefaradis al Imperio Otomano.

<- El timbro ke fue emetido kon esta okazion tiene una pintura amos- trando la yegada de los sefaradis a Estambol.

Sinagogas
"Shearith Israelen New York i "Touro" en Newport.

 

Versos de la poetesa djudia amerikana Emma Lazarus (1849 - 1887) gravados en la Estatua de la Libertad, New York. Dadme vuestros kansados
Vuestros proves, vuestras masas
Ansiozas de respirar la libertad.

 

	Boda djudia en Maroko pintada por Delacroix.
	Vestido djudio de Maroko.
	Timbro israeli sovre el tema del Ladino

 

Volver