AKI YERUSHALAYIM #77

VIDEOS

DOLLY BENOZIO-MODIANO
Enrico Isacco

Este DVD produsido por Enrico Isacco ke se dedika a la dokumentasion de la kultura djudeo-espanyola en el kampo audio-vizual, mos trae a traves de una entrevista kon la Sra. Dolly Benozio-Modiano, una muy interesante evokasion de lo ke era la komunidad djudia de Saloniko asta su esktermiasion por los nazistas en la Shoa.

La Sra. Benozio-Modiano ke bive agora en Paris i es una de las prinsipales aktivistas de entre los ke se okupan de mantener la kultura djudeo-espanyola, al seno de los sefaradis de esta sivdad i en otros lugares tambien, mos deskrive kon un ladino karakteristiko de los djudios de Saloniko, la vida al seno de su famiya ansi ke sus vizinos i parientes en esta sivdad i reushe a arebivir por unos momentos lo ke tenia de karakteristiko esta komunidad sefaradi de los Balkanes.

Volver