Alimpiar el peshkado, kitar las espinas i molerlo (mizmo dos vezes). Adjustar el guevo batido, el pan rayido i el prishil. Mesklar bien asta ke se obtiene una masa omojena. Kon las manos umidas formar las albondigas i meterlas al frijider.
Entremientres aprontar la salsa: En una sarten kon poko azeyte friyir los dientes de ajo ke fueron kortados en tajadas i kuando estan dorados abashar de la lumbre. Adjustar la arina, la agua i el safran i tornar la sarten a la lumbre. Kuando la agua empesa a buyir echar alientro las albondigas. Kozer unos 10 minutos. Una vez bien kochas, abashar la sarten de la lumbre, kon una kuchara burakada kitar las albondigas, una a una, i pozarlas sovre un plato de servisio.
Batir las dos yemas de guevo djuntos kon el sumo de limon i adjustar la sal. Vaziar esta meskla al kaldo ke esta en la sarten. Tornar la sarten sovre lumbre muy moderada por uno o dos minutos, todo en mesklando para evitar la formasion de bultikos, i vaziar la salsa sovre las albondigas.
Este plato ke puede ser garnizado kon prishil pikado