AKI YERUSHALAYIM #76

DISKOS

ZIYARA
Ensemble Ruth Yaakov
Oriente Musik
Pajina

Ruth Yaakov es un buen enshemplo de los kantadores ke interpretan los kantes djudeo- espanyoles kon un buen nivel artistiko, aziendose akompanyar por instrumentos muzikales tradisionales komo el ud, el tanbur turko, la baglama etc., i kedando fidel al estilo autentiko de estos kantes.

Despues de su primer disko (Shatnez), eya mos prezenta agora un muevo CD kon 12 kantes djudeo-espanyoles, algunos de los kualos son muy ermozos ma relativamente poko konosidos del publiko, evitando ansi de kayer en el yerro de munchos kantadores ke kantan siempre los mizmos kantes ke ya fueron kantados de antes por munchos otros kantadores.

Volver