AUTORIDAD NASIONALA DEL LADINO
|
AKI YERUSHALAYIM #76 DISKOS
Bienvenida Aguado-Mushabak es siguramente una de las informantes sefaradis ke mas kontribuyeron a las koleksiones de kantes populares en ladino, sea del Proyekto Folklor Djudeo-espanyol de Kol Israel ansi komo de la Fonoteka Isaeli, para las kualas enrejistro diezenas, si no sienes, de romansas, kantes de amor, kantes de boda etc. Los 32 kantes de este disko, eskojidos de la koleksion de la Fonoteka Israeli por la muzikologa Susana Weich Shahak ke los arekojo eya mizma i les adjusto sus komentarios, son una ekselente muestra de las romansas i kantigas en ladino kantadas en el estilo autentiko i tradisional de los djudios de Turkia. Una idea de sus valor para el mantenimiento de muestro folklor es dada por el grande numero de kantadores ke introdusieron estos kantes en sus repertorios, tratando de kedar fideles en la mas grande mizura posible a sus estilo orijinal. Ma la ermozura de estos kantes puede ser apresiada no solamente pro los kantadores profesionales i investigadores del kansionero sefaradi, sino ke por el ancho publiko tambien, komo los miembros de los klubes i sentros komunitarios en Tel Aviv i sus entornos ke desde largos anyos oyen kon grande plazer a Bienvenida Aguado-Mushabak kantar estos kantes kon su boz melodioza. |
CANCIONERO SEFARDI DE TURQUIA