|
AKI
YERUSHALAYIM #76
LIVROS
REFRANES Y EXPRESIONES
SEFARADIES /2
de la tradicion judeo española
Luis León
ISBN 987-21788-0-1
CIDiCSef - Salguero 758 Buenos Aires
El autor de este livro, el arkitekto Luis Leon, orijinario de una famiya de sefaradis de Izmir ke emigraron a Argentina al prinsipio del siglo 20, mos prezenta aki una mueva koleksion de refranes en ladino, despues de la primera koleksion ke publiko en su livo “Refranes y expresiones de la Tradicion Judia de Esmirna”.
Los refranes ke mos trae agora en su muevo livro, ordenados segun el tema prinsipal del kual tratan (madres i ijas, esfuegras i elmueras etc.) son una prova mas de la rikeza i ermozura del refranero djudeo-espanyol, al kual se estan adjustando ultimamente mas i mas koleksiones, de personas ke los arekojeron durante anyos i keren agora partajar kon otros la satisfaksion de meldar i konoser estas perlas de muestro folklor.
|