|
AKI
YERUSHALAYIM #76
LIVROS
SEFARDSKA BASTINA NA BALKANU
Patrimonio sefaradi de los Balkanes
Red. Milica Mihailovic
Katalogo de la ekspozision “El Patrimonio Sefaradi de los Balkanes” organizado por el Muzeo Istoriko Djudio de Belgrado, kon okazion del Festival de Kultura Sefaradi “Esperansa 2004”, ke tuvo lugar entre el 24 i 27 de Djunio, en la kapitala de Serbia i Montenegro.
La rikeza i la partikularidad de este patromonio pueden ser vistos a traves los objetos inkluidos en esta ekspozision: vistimienta, livros i periodikos ansi ke fotografias de aspektos diversos de la vida en las komunidades djudias ke avia en los Balkanes asta la metad del siglo 20, munchas de las kualas dezgrasiadamente ya no existen mas oy o son apenas la solombra de lo ke eran de antes.
|