|
AKI
YERUSHALAYIM #76
LIVROS
LOS JUDÍOS DE RIBADAVIA
La Juderia de Ribadavia y sus personajes en los siglos XIV-XV
ISBN 84-933244-4-2
Maria Gloria de Antonio Rubio
Ediciones Lostrego Apdo. 2221 15780 Santiago, Espanya
Despues de su livro sovre los djudios de Galicia, Maria Gloria de Antonio Rubio mos prezenta aki un livro muncho mas riko i interesante sovre los djudios de Ribadavia, una de las sivdades de Galicia ke se distingieron por sus ekselentes relasiones kon los djudios ke bivieron ayi durante siglos, i esta bushkando agora a konmemorar esta existensia por medio de investigasiones, publikasiones i mizmo aktividades publikas komo la “Boda Djudia” ke es echa kada anyo en sus Fiesta de Istoria.
El livro ke se baza sovre dokumentos konservados en diferentes archivos, es una ovra serioza i instruktiva ke permete de mijor konoser, kon munchos detalios i algunas ermozas ilustrasiones, la istoria de los djudios ke bivieron ayi asta la fin del siglo 15.
|