|
AKI
YERUSHALAYIM #76
LIVROS
MAIMONIDES – Un sefardi universal
ISBN 987- 99196-5-3
Editores responsables; Mario E. Cohen, Regina G. de Steiner
Editoras, rekopiladoras i koordinadoras:
Esther Cohen, Alejandra Marinoba, Regina Steiner
Ed.: *Universidad Maimonides – Hidalgo 775, (C 1405 BCK) Buenos Aires
*CIDICSEF - Salguero 758 (C 1177 AEN) Buenos Aires
Los editores de este livro reunen en el los tekstos de las konferensias dadas en el simpozio sovre “La Vida i la Ovra de Maimonides” organizado en Novembre 2003 por la Universidad Maimonides i el CIDICSEF, djuntos kon una seleksion de los artikolos publikados en 1985, en el numero 14 de la revista Sephardica dedikada a Maimonides.
Estos artikolos i tekstos de konferensias, por algunos de los mijores ekspertos del mundo en el kampo de la relijion i filozofia djudias, mos ayudan a konoser la aktitud i las pozisiones de ‘Harambam no solo en lo ke toka la relijion djudia sino ke tambien en otros kampos komo la filozofia aristoteliana, la medisina, la edukasion i mas.
|