URIEL (1948)
Avner Perez
No avra uvas en la vid ni igos
en la igera (Yirmiya, 8, 13)
No ay uvas en la vid
ni igos en la igera
i Uriel por onde ...
Se avia puesto el sol
entre espesuras
no kedo ninguno en la plasa
la sivdad asediada
i Uriel korrio
para salvar del fuego
i yo kuanto mas esperare
i asta kuando
No ay uvas en la vid
se sekaron los pozos
solo en Yemin Moshe
espunto la igera
i Uriel,
mi Uriel,
debasho, sovre su tierra.