BELGRADO
Matilda Koen Sarano
Belgrado, sivda de alegria i freskura,
Ma en tus entranyas esta l’amargura.
Konosites tu muerte
K’el lman te dio en suerte.
L’opresion tu supites,
A estranjeros servites.
Oy estas respirando
I el tiempo alkansando.
El tu vedre lo amostra’
I no emporta si kosta.
Mas no ay invazores,
Mas no ay opresores.
Libertad ‘stas gozando,
I al Dio ‘stas rogando.
Amistad dar tu keres
Porke adientro la tienes.
“Esperansa” te damos,
Tu kalor mos yevamos.
Belgrado, sivda de alegria i freskura,
De oy dia tu solo konoskas dulsura.
Kon okazion del enkontro
“Esperansa 2004”
Belgrado 24-27.6.2004