|
PAJINA
DE ENTRADA
AKI
YERUSHALAYIM
ULTIMO
NUMERO
TODOS LOS
NUMEROS
SEFARAD
INSTITUTO MAALE ADUMIM
AUTORIDAD
NASIONALA DEL LADINO
LIBRERIA
SEFARAD
PERIODIKOS
ASOSIASIONES
I ORGANIZASIONES
JENEALOJIA
SEFARADI
Komunikado
Mos alegramos de informar ke grasias a la rekomendasion de la fondadora de LadinoKomunita, la Sra Rachel A. Bortnick, Aki Yerushalayim viene de resivir un dono de $ 3000 del Ladino Preservation Council serka la Foundation for the Advancement of Sephardic Studies and Culture, en New York.
Agradesemos al direktor de esta fondasion, el Sr Bob Bedford ansi ke a la Sra Rachel Bortnick tambien, por este apoyo ke mos ayuda i enkoraja a kontinuar en muestros esforsos para la prezervasion i promosion de la kultura djudeo-espanyola, ke su valor i importansia estan siendo realizadas agora mas i mas, en Israel ansi ke en munchas otras partes del mundo. |
|
Kacha del No. 85 de Aki Yerushalayim
Avril 2009
Esta pajina es dedikada a los ke se interesan a la kultura djudeo-espanyola i dezean anchear sus konosensias en este kampo o ser aktivos eyos mizmos en los esforsos para su konservasion i difuzion.
|
Para mas detalios i informasiones adresarse a:
"Sefarad"
POB 8175 Yerushalayim 91080 Israel
Tel. 972 2 5795504 Fax. 972 2 5790386
E-mail : judeospa@bezeqint.net
|
|
KOSTUMBRES KURIOZAS
Del livro
“Usos y Costumbres de los Sefardies de Salonica” de M. Molho
El respekto i venerasion del puevlo enverso rabinos ke mos desharon la buena vida i se pensava ke podian intervenir en favor de los bivos en siertos kavzos, dio lugar a siertas kreensias i praktikas majikas. Aki vos traemos una de entre las mas kuriozas de estas kreensias:
En kavzos de sekia o de epidemias, por exemplo, se uzava a meter, en la mano de un rabino ke vinia de murir, i antes de su enterramiento, una nota en la kuala se demandava del Patron del Mundo de arregar los kampos sekos o de anular la gezera de hazinuras malas. Kontan ke una dia murio un rabino ke se yamava Rabi Levi Gatenyo. La sekia estava amenazando lo sembrado en los kampos i avia peligro de ambrera. Una rogativa embiada al Santo Bendicho por medio del defunto Rabi Levi Gatenyo izo milagros: Pokas oras despues de su enterramiento los sielos se kuvrieron de nuves pretas i una luvya abondante empeso a kayer i a arregar los kampos. |
AKI YERUSHALAYIM es la mas veterana revista ke kontinua ainda a ser publikada enteramente en djudeo-espanyol. Ayudale en su lucha para la konservasionde la lengua djudeo-espanyola i de su kultura. Abonate i abona a tus amigos i parientes. Eyos te seran rekonosientes -i tambien los amantes del djudeo espanyol.
|
| Konoseremos a muestra kultura
El ladino
(djudeo-espanyol)
[Artikolo]
Las konsejas y los kuentos populares djudeo-espanyoles
[Artikolo]
El refran
djudeo-espanyol
[Artikolo] |
Kacha "El gizado sefaradi". Para mas detalios ver muestra Libreria Sefarad
Los kantes populares djudeo-espanyoles
Este
artikolo eksplika muy brevemente ke son las romansas, la kantigas
i las koplas. Este es un tema sovre kual ay muncha konfuzion i La
Pajina de Aki Yerushalayim da una informasion klara i exakta
a este sujeto. [Artikolo] |
|
|
